ڊوم پکي، لڪِڻو پکي

27 سينٽي ميٽر (10 انچ) جسامت واري هن ننڍڙي پکيءَ جا نر ماد هڪجهڙا ٿين ٿا. پٺيءَ جو رنگ گهرو ناسي اٿس جنهن تي هلڪي رنگ جا لينگها ٿين ٿا. مٿي تي هلڪيون ليڪون اٿس. پڇ ننڍڙو، ڊگهي استواني چهنب تقريباً اڍائي انچ ڊگهي ٿئيس ٿي. جيڪا هن جي پنهنجي قد بت جي ڀيٽ ۾ گهڻي وڏي آهي، جنهن سان نرم زمين کوٽي جيت ۽ ڪينئان ڳوليندو آهي. ننڍڙي گاهه ۾ ڪيمو فلاج ڪندو آهي، خطري مهل مٿي ۽ وڪڙ سڪڙ واري اڏام اڏندو آهي. ٻچن جي چهنب ننڍي هوندي آهي، ان ڪري مائٽ ڪينئان ڳولي کارائيندا اٿن. آکيرو گاهه ۽ پير سان زمين کرڙي جسم سان زور ڏئي ٺاهيندو آهي ۽ ان ۾ گاهه رکندو آهي.